Iriston.com
www.iriston.com
Цæйут æфсымæртау раттæм нæ къухтæ, абон кæрæдзимæ, Иры лæппутæ!
Iriston.com - история и культура Осетии
Кто не помнит прошлого, у того нет будущего.
Написать Админу Писать админу
 
Разделы

Хроника военных действий в Южной Осетии и аналитические материалы

Публикации по истории Осетии и осетин

Перечень осетинских фамилий, некоторые сведения о них

Перечень населенных пунктов Осетии, краткая информация о них и фамилиях, в них проживавших

Сборник материалов по традициям и обычаям осетин

Наиболее полное на сегодняшний день собрание рецептов осетинской кухни

В данном разделе размещаются книги на разные темы

Коста Хетагуров "Осетинскя лира", по книге, изданной во Владикавказе (Орджоникидзе) в 1974 году.


Перечень дружественных сайтов и сайтов, схожих по тематике.



Rambler's Top100 Рейтинг@Mail.ru Индекс цитирования
Статьи Словари
Здравствуйте, Гость
Регистрация | Вход
Опубл. 05.01.2011 | прочитано 7699 раз |  Комментарии (6)     Автор: Tabol Вернуться на начальную страницу Tabol
Ногбоны æмдзæвгæтæ

Газет «Рæстдзинад», 2010 азы 31 декабрь 

 

 

Джыккайты Шамил 

 

Ногбоны бæллицтæ 

 

Ног аз нæм æрцыди — аивдзæн нæ цард, 

Фароны мæстытыл бандзарæм цъæх арт. 

 

Кувæм æмæ нуазæм, абузы нæ цин, 

Рог аууæттау сæфынц хахуыр æмæ хин. 

 

Сой кæнæм — æрцæудзæн Иры зæхмæ сой, 

Ног аз нын æрхæсдзæн фарн æмæ æнцой. 

 

Ферох уыдзæн махæй рагон хъыгау хæст, 

Хорз фæндтæ кæндзыстæм хорз куыстæй æххæст. 

 

Бонты хъармæй тайдзæн халасау фыдæх, 

Нал уардзæн ызды-зæгъ, нал æнкъуысдзæн зæхх. 

 

Ног Бон, уæд æртхурон Рухсы зæдтæн барст. 

Хурау уæд æнæвгъау Иры бæстыл уарзт. 

 

Скæнæд нæ æмдзæрин, сгуыхт æмæ фæрныг, 

Уæд нæ зæрдæ арвау тыгъд æмæ æрвыг. 

 

Ног Бон радт мæнæн дæр хорз хъуыддæгтæн рад, 

Уадз, кæнон мæ сæрæн рухс хъуыдытæй кад. 

 

Курын æз мæхицæн иу хорзæх æрмæст: 

Ир, дæ цин, дæ хæрзтæй ма ’фсæдæд мæ цæст! 

 

 

 

Дзасохты Музафер 

 

Ног аз 

 

Алы бон цæут æгас, 

Митын Дада, наз бæлас! 

Ног аз нæм æрцыд уæ фæрцы 

Урс-урсид бæмбæджджын кæрцы. 

 

Алкæмæн нæ хуын æрхаста 

Аивхуыд дзæкъулы бастæй. 

Кафæм, зарæм, хъуысы дард 

Цины хъæр, фæндыры цагъд. 

 

 

 

Хуыгаты Сергей 

 

Уары мит... 

 

Уары мит, сыгъдæг мит уары, 

Бæстæ у сыгъдæг, сыгъдæг. 

Чидæр дард кæмдæр ныззары, — 

Миты цинæй зары лæг. 

 

Зарæг хъуысы, зарæг зæлы, 

Зарæг зилы цыма уад. 

Цæй, ныр ахæм рухс изæры 

Ацу, мидæгæй æрбад! 

 

Растад миты рухсмæ Ног аз, 

Бабадт урс-урсид бæхыл. 

Чи йын хион у, — чи — зонгæ 

Ацы зæдбадæн зæххыл. 

 

Уæ сыгъзæрин феста, уастæн, 

Цас цинтæ æрхаста, цас! 

Уæлæ ’рзади горæт’ астæу 

Стыр æргъæуæфтыд бæлас. 

 

Й’ алыварс цæй бæрц и адæм! — 

Симд сын бацайдагъ нæртон. 

Азæр чи не ’рцæуа ардæм, 

Уымæ ’рцæудзæн сом фæсмон. 

 

Бæлас рухс тæмæнтæ калы, — 

Ахæм бæлас ма кæм и! 

Раст йæ цъуппæй худы стъалы, 

Мæ йæ хихтæй згъæлы мит. 

 

Ахæм рухс æхсæв ыссары 

Амонд адæмы хсæн лæг. 

Чидæр зары æмæ зары, 

Дуне у сыгъдæг, сыгъдæг... 

 

 

Хæмыцаты Албег 

 

                    * * * 

 

Мах бахызтыстæм Ног азы къæсæрыл, 

Фырцинæй уадзæм ивгъуыдæн нæ маст. 

Куырой-иу разылд хаттæй-хатт нæ сæрыл, 

Уæддæр нæ кæнæм Зæронд азæй хъаст. 

 

Фæцæуы уый. Бæлццонау уæд фæндараст, 

Уæззау цæлхдуртыл макуы скъуырæд къах. 

Æд цин, æд маст дæрддзæф рохуатмæ араст, 

Ныууагъта царды рухс фæндтимæ мах. 

 

Сæ къæрцц-къæрцц хъуысы Ногбоны æртытæн, 

Нæ кафтæн нал ис, рæстæгау, кæрон. 

Хъæуынц фырбуцæн, арфæтæн нæ дзырдтæ, 

Цыма ныххур ис хæхты сæрмæ бон. 

 

Хуыцаумæ кувæм... хорз сидтытæ — бирæ, 

Уæлæрвтæм зæлы хъæлдзæгæй нæ зард. 

Фæлæ нæ зонæм, амондагур Ирæн 

Цы ’рхæсдзæн хорзæй ноггуырд азы цард... 

 

 

 

Уалыты Лаврент 

 

Ногбон æхсæвы 

 

Дысон-бонмæ нæ кодтам фынæй: 

Цин йæ уацары горæты райста. 

Немæ сабийау хъазыди мæй, 

Уый зæрин тынтыл арфæтæ хаста. 

 

Цины музыкæ алы ран зæлыд, 

Уынгты, хæдзæртты рудзгуытæй хъуыст, 

Зæлыд зæрдæты, зæлыди сæры, 

Æмæ дунейæ ферох и куыст. 

 

Уынгты адæм кæрæдзи нæ зыдтой, 

Фæлæ «Ногбоны хорзæх!» — дзырдтой. 

Фервæзтысты фыццаг хатт сæ зыдæй, 

Æмæ а дуне нал уыд сырддон. 

 

Ногбон ног амонд адæмыл уæрста, 

Цины батад æнусон фыдæх, 

Диссаг, адæм кæрæдзийы уарзтой, 

Æмæ цинæй ысулæфыд Зæхх! 



<==    Комментарии (6)      Версия для печати
Реклама:

Ossetoans.com OsGenocid ALANNEWS jaszokegyesulete.hu mahdug.ru iudzinad.ru

Архив публикаций
  Января 2024
» О чем рассказали восточно-европейские руны
  Ноября 2022
» От Кавказа до Волги
  Августа 2022
» Кавказцы глазами русских: говорят архивные документы...
  Марта 2022
» К вопросу о заселении Фиагдонской котловины, по данным фамильных и народных преданий
» О новых именах в истории царственного дома средневековой Алании
  Февраля 2022
» К ВОПРОСУ ОБ УДЕЛЬНЫХ ВЛАДЕТЕЛЯХ УАЛЛАГКОМА ПО ФАМИЛЬНЫМ, НАРОДНЫМ ПРЕДАНИЯМ И АРХИВНЫМ МАТЕРИАЛАМ
  Декабря 2021
» Осетинская религия; религия осетин (Ирон дин)
  Мая 2021
» Иверская (Моздокская) икона Божией Матери
  Мая 2020
» Соотношение понятий Æгъдау, религия (дин), вера во внутриосетинской дискуссии
  Июля 2019
» Открытое обращение представителей осетинских религиозных организаций
  Августа 2017
» Обращение по установке памятника Пипо Гурциеву.
  Июня 2017
» Межконфессиональный диалог в РСО-Алании состояние проблемы
  Мая 2017
» Рекомендации 2-го круглого стола на тему «Традиционные осетинские религиозные верования и убеждения: состояние, проблемы и перспективы»
» Пути формирования информационной среды в сфере осетинской традиционной религии
» Проблемы организации научной разработки отдельных насущных вопросов традиционных верований осетин
  Мая 2016
» ПРОИСХОЖДЕНИЕ РУССКОГО ГОСУДАРСТВА
» НАРОДНАЯ РЕЛИГИЯ ОСЕТИН
» ОСЕТИНЫ
  Мая 2015
» Обращение к Главе муниципального образования и руководителям фракций
» Чындзӕхсӕвы ӕгъдӕуттӕ
» Во имя мира!
» Танец... на грани кровопролития
» Почти 5000 граммов свинца на один гектар земли!!!
  Марта 2015
» Патриоту Алании
  Мая 2014
» Что мы едим, или «пищевой терроризм»