Куыддæр дард Сиримæ цæуын, уый сбæрæг ис, ме ’мбæлттæ дæр сбæлвырд сты — нæ республикæйы журналистти Цæднсы секретарь Гокъоты Хадзымурат æмæ газет «Социалистическая Осетия»-йы редакторы хæдивæг Юрйй Семибратов — уæд мæхицæн иу фæнд скарстон: ацы хатт фыссæн сис мæ къухмæ нæ райсдзынæн, уыдон хистæртæ сты, балцы хабæрттæ ныффыссыны бар уыдонмæ хауы, уыдон республикон газеттæм се ’рмæг куы радтой, уæд æй æгас Ирыстон дæр бакæсдзысты, æмæ уæд æз дæр къæмдзæстыг нæ уыдзынæн нæхи, Рахизфарсы районы фæллойгæнджыты раз. 

Фæлæ фаронæй нырмæ бонтæ рацыд, ме ’мбæлттæ та хъусæй лæууынц, мæн та мæ зæрдæ иу ран нал уадзы: «Фыццаг хатт ахæм дард фæндагыл ацыдтæ, æвæджиауы адæмыл дзы сæмбæлдтæ, рæсугъд æнкъарæнты уацары дзы бахаудтæ, афтæмæй сæ гæххæтты хай нæ кæныс, Иры дзыллæты раз дæхи уайсадæг скодтай. Ау, уæд цавæр журналист дæ ды?» 

Стæй ма иу хъуыддаг: абоны онг æфсæрмы кæнын ирæттæй. Уымы нрæттæй. 

Æмæ уæд æз дæр мæхи сыгъдæг гæххæттыл ныффæдзæхстон...