Иу горæты астæу фæзы уыди тынг дынджыр дур. Уый ахста бирæ бынат, стæй горæты уæрдондзæуджыты дæр хъыгдардта. Горæты хицæуттæ басидтысты инженертæм æмæ сæ бафарстой, уыцы дур уырдыгæй куыд айстæуа, стæй уыцы хъуыддаг бакæнынæн цас æхца бахъæудзæн, зæгъгæ. 

Иу инженер загъта, зæгъгæ, дам, дур топпыхосæй фехалын хъæуы, стæй йæ уый фæстæ къæртгай аласын хъæуы уырдыгæй. 

Уыцы куыст бакæнынæн та, дам, дуры бын бакæнын хъæуы дынджыр каток æмæ йæ катокыл аласын хъæуы. Стæй, дам, æхца та бахъæудзæн æхсæз мин сомы. 

Уæд иу музуккаг загъта: 

— Æз уыцы дур бафснайдзынæн мæхæдæг æмæ уæ мæ куыстæн бацагурдзынæн æрмæст дæс туманы. 

Лæджы бафарстой: 

— Зæгъ-ма, куыд æй бафснайдзынæ? 

Æмæ сын уый загъта: 

— Æз дуры тæккæ раз скъахдзынæн дынджыр дзыхъхъ; дзыхъхъы сыджыт апырх кæндзынæн æгас фæзыл, дур нысхойдзынæн дзыхъмæ æмæ йын йæ уæлæ зæхх слæгъз кæндзынæн. 

Музуккаг гъе афтæ бакодта, æмæ йын радтой дæс туманы, стæй ма йын ноджыдæр дæс туманы та радтой йæ зондджын æрхъуыдыйы тыххæй.