Æртæ чъирийы кувгæйæ
– Хуыцау, табу Дæхицæн!
– Оммен, Хуыцау!
– Абон Дæ бон у, бирæ адæм Дæм кувынц,
Хорздзинæдтæ Дæ курынц
Æмæ хуыздæрæн кæй кувинæгтæ, кæй куывд айстай,
Уый æмбал мах дæр фæкæн.
– Оммен, Хуыцау!
– Æнæниз, æнæмаст, хъæлдзæг, амондджын куыд уæм.
– Оммен, Хуыцау!
– Хуыцау, хорздзинадæй кæй зæрды цы ис, уыдон сæ къухы куыд æфтой, уыцы хорзæх ракæн!
– Оммен, Хуыцау!
– Фæсивæд рæствæндаг куыд уой кæддæриддæр,
Бæстæ сабыр куыд уа,
Адæм кæрæдзийы куыд æмбарой,
Дунесфæлдисæг, уыцы хорзæх ракæн!
– Оммен, Хуыцау!
– Хуыцау, нæ чысыл фæллойæ нæ къухы бирæ ис цы уа, уыцы амонд нæ уæд.
– Оммен, Хуыцау!
– Фыдбылызтæй хызт цы уæм,
Hæ кæстæртæн сабыр, рæсугъд фидæн цы уа, уыцы арфæ сæ уæд.
– Оммен, Хуыцау!
– Стыр Хуыцау, нæ кувинæгтæ Дын барст уæнт æмæ нæ Дæ хорзæх уæд!
– Оммен, Хуыцау!
| |
Молитва с тремя пирогами
– Хуыцау, табу Тебе!
– Оммен, Хуыцау!
– Сегодня Твой день, много народу Тебе молится,
Добра просит, так уподобь нас тем,
Чьим молитвам Ты внял и чьи жертвоприношения были Тебе угодны!
– Оммен, Хуыцау!
– Дай нам здоровья, радости, счастья!
– Оммен, Хуыцау!
– Хуыцау, окажи такую милость, чтоб исполнилось то хорошее, что есть у каждого на душе.
– Оммен, Хуыцау!
– Пусть для нашей молодежи все дороги будут открыты.
Пусть будет мир во всем мире.
Пусть все люди понимают друг друга,
Создатель Вселенной, пошли нам такую милость!
– Оммен, Хуыцау!
– Хуыцау, дай нам такого счастья,
Чтобы в наших руках было обилие от нашего малого труда.
– Оммен, Хуыцау!
– Храни нас от несчастий, пусть у наших младших будет мирное, счастливое будущее.
– Оммен, Хуыцау!
– Стыр Хуыцау, прими наши жертвоприношения и пошли нам Свою милость!
– Оммен, Хуыцау!
|
Хуыцауы куывд
– Хуыцау, табу Дæуæн!
– Оммен, Хуыцау!
– Хуыцау, ахъаз нын бакæн!
– Оммен, Хуыцау!
– Дунескæнæг Хуыцау,
Зæххыл Дын зын ницы ис,
Дæ быны ницы фæсусæг уыдзæни.
Куыд раст стæм,
Куыд сыгъдæгзæрдæйæ Дæм кувæм,
Афтæ сыгъдæг æмæ нын раст цард ратт.
– Оммен, Хуыцау!
– Ацы кувинæгтæ Дæу тыххæй сты,
Æмæ хуыздæр кæй кувинаг æмæ курдиат райстай,
Уый æмбал нæ фæкæн.
– Оммен, Хуыцау!
– Дæ кувæг адæм стæм,
Æмæ нын нæ зæрдæйы маст макуы бауадз.
Хъæлдзæг, амондджын, æнæниз цы уæм, уыцы хорзæх нын ракæн!
– Оммен, Хуыцау!
– Адæмæн бирæ, махæн нæ фаг ратт алцы дæр.
Барст дын фæуæнт не ‘ртæ чъирийы.
– Оммен, Хуыцау!
| |
Молитва Всевышнему
– Хуыцау, табу Тебе!
– Оммен, Хуыцау!
– Хуыцау, смилуйся над нами!
– Оммен, Хуыцау!
– Хуыцау, Ты создал Землю,
Ты все можешь:
Так дай нам такую чистую и праведную жизнь,
Как чисты и праведны наши души.
– Оммен, Хуыцау!
– Этот кувинаг мы принесли Тебе:
Так уподобь нас тем, чьим молитвам Ты внял и чей кувинаг был Тебе угоден.
– Оммен, Хуыцау!
– Не омрачай души верующих в Тебя несчастьями.
Пошли нам такую милость, чтобы мы были радостны, счастливы и здоровы.
– Оммен, Хуыцау!
– Пошли людям много, а нам – достаток.
Да будут угодны Тебе наши три пирога.
– Оммен, Хуыцау!
|
Еунæг Хуцауæн кувд
– Хуцау, Ду еунæг дæ!
– Амменæ!
– Дæхецæн лигъстæ кæнæн, Дæхе æма Де ‘зæдти номбæл!
– Амменæ!
– Дæ уарзон пахампартæбæл, Де ‘зæдтæбæл дæ салан исæмбæлæд!
– Амменæ!
– Дæхуæдæг нин ци равардтай, уонæй Дин лигъстæ кæнæн!
– Амменæ!
– Не ‘ртæ къерей Дин æхцæуæн, нæ хъурманлæг, нæ бæгæний хæццæ.
– Амменæ!
– Æнæ рæдудæй ке зæгъæн, йе Дæмæ æхцæуæн фæккæсæд!
Кæд естæбæл рæдуйæн, уой ба нин ниххатир кæнæ, еунæг Хуцау!
– Амменæ!
– Хуцау, Де сконд адæмæн кæрæдзей бауарзун кæнæ!
– Амменæ!
– Дæ арви сойнæ – Де сконд адæмæн, еунæг Хуцау!
– Амменæ!
– Дæ хуарз æртæхæй нин хай бакæнæ.
– Амменæ!
– Фуд дунгæ, фуд æртæхæй нæ багъæуай кæнæ.
– Амменæ!
– Цæндæг-уæндæгæй нæ бакосун кæнæ, еунæг Хуцау!
– Амменæ!
– Ци феронх ан, уони нин дзæбæхæй раттæ, Хуцау!
– Амменæ!
| |
Молитва Всевышнему
– Ты един, Всевышний!
– Аммен!
– Просим Тебя
Во имя Твое и Твоих дзуаров!
– Аммен!
– Ниспошли благословение
На Своих любимых пророков и ангелов.
– Аммен!
– Что Ты нам ниспослал, с тем Тебя мы и молим.
– Аммен!
– Пусть Тебе будут угодны наши три пирога,
Жертвенное животное вместе с пивом!
– Аммен!
– То, что мы истинное скажем,
Пусть Тебе будет угодно.
Если же мы в чем-либо заблуждаемся,
То прости нам это, Всевышний!
– Аммен!
– Хуыцау, сделай так, чтобы созданные Тобой люди
Полюбили друг друга.
– Аммен!
– Небесная благодать на Твоей земле да будет,
Земная благодать созданным Тобой людям, Хуыцау, да будет!
– Аммен!
– Пошли нам добрый теплый дождь!
– Аммен!
– Избавь от злого ветра и злого дождя!
– Аммен!
– Хуыцау, дай нам силы и бодрости для работы.
– Аммен!
– О чем мы забыли попросить, тем нас надели!
– Аммен!
|
Хуыцауæхсæвы куывд I
– Хуыцау, табу Дæхицæн, Хуыцау!
– Оммен, Хуыцау!
– Хуыцау, мæнæ ацы кувæг адæм – Дæ фæдзæхст, Де уазæг!
– Оммен, Хуыцау!
– Хуыцау, нæ сыгъдæг нывондæй арæм Мигъдауы рухс дзуæртты ном æмæ сын барст уæд.
– Оммен, Хуыцау!
– Фæндагсар Уастырджи, ацы адæмæй дæ бынты чи цæуа, рæствæндаг-иу сæ фæкæн!
– Оммен, Хуыцау!
– Aхæм хъару нын ратт, æмæ ныл знаг куыд никуы фæуæлахиз уа!
– Оммен, Хуыцау!
– Тхосты дзуар, фыдбылызæй нæ бахиз!
– Оммен, Хуыцау!
– Реком, дæ хорзæх нæ уæд!
– Оммен, Хуыцау!
– Уацилла, ахæм хорæрзад ратт, хорæфсæст куыд уæм!
– Оммен, Хуыцау!
– Хуыцауы дзуар, æдзух Стыр Хуыцауы раз вæййыс, ракур дзы, йæ хорзæх нæ куыд уа!
– Оммен, Хуыцау!
– Цъамады Хъæузæд, кувæм дæм, ацы хъæу – де уазæг, фыдбылызæй йæ бахиз!
– Оммен, Хуыцау!
– Аларды, дæуæн дæр æхцон фæуæд!
Дæ чъылдыммæ дын кувдзыстæм, де ртом нæм ма раздах.
Де ргом нæм куы раздахай, уæд та нæ хъæлдзæг зæрдæтимæ ныууадз.
– Оммен, Хуыцау!
– Рыны бардуаг, нæ адæмæн дæр æмæ нæ фосæн дæр сæ низтæ фæсур, уый курæг дæ стæм!
– Оммен, Хуыцау!
– Мады Майрæм, фыдæлты дзуар дæ æмæ нæ фыдæлты амондæй æнæ хай ма фæкæн.
Кæмæн кæй радтай, уый цæринаг уæд!
– Оммен, Хуыцау!
– Мыкалгабыр, дæуæн дæр нæ кувинаг барст фæуæд.
Фыдбылыз-иу дард акæн, амонд – хæстæг.
Бæркад дæттæг дæ æмæ нын нæ куысты бирæ бæркад ратт!
– Оммен, Хуыцау!
– Стыр Тутыр, уый курæг дæ стæм – нæ фосы ‘рдæм дæ бирæгътæ дургом куыд уой!
– Оммен, Хуыцау!
– Уæдæ, Фæлвæра, нæ фос дæ бар сты.
Фылдæрæй фылдæр нын сæ кæн!
Хуыцау æмæ дзуæртты бæрæгбæтты нæ бон кусарт кæнын куыд уа!
– Оммен, Хуыцау!
– Сауы дзуар, нæ хъæдтæ хуыскъ æмæ зынгæй бахиз!
– Оммен, Хуыцау!
– Бынаты Хицау, нæ бынæтты нын хорз æмæ æнæниз цард ратт!
– Оммен, Хуыцау!
– Хурæртхурон, Хуыцаумæ цæуæг дзуар дæ, æмæ дæ курæм:
Йæ бирæ хорздзинæдтæй нæ хайджын фæкæнæд!
– Оммен, Хуыцау!
– Стыр Иунæг Кадджын Хуыцау, Дæуæн – æхцон, махæн – æнцон! Нæ куывдтытæ нын айс!
– Оммен, Хуыцау!
– Цы дзуæртты кой не скодтам, уыдонæй хуыздæр арфæ чи ракæндзæнис,
Уый хорзæх дæр нæ уæд!
– Оммен, Хуыцау!
– Афтæмæй уæ Стыр Хуыцауы хорзæх уæд!
– Оммен, Хуыцау!
| |
Молитва в Хуыцауахсав I
– Хуыцау, табу Тебе, Хуыцау!
– Оммен, Хуыцау!
– Хуыцау, возьми под Свое покровительство верующий в Тебя народ;
– Оммен, Хуыцау!
– Хуыцау, эту жертву мы принесли светлым божествам Мигдауа.
Да будет она им угодна.
– Оммен, Хуыцау!
– О Фандагсар Уастырджи, благослови людей, проезжающих мимо тебя
И пожелай им счастливой дороги!
– Оммен, Хуыцау!
– Надели нас такой силой, чтобы враг никогда нас не одолел.
– Оммен, Хуыцау!
– Тхосты дзуар, огради нас от несчастий!
– Оммен, Хуыцау!
– Реком, да будет нам твоя милость!
– Оммен, Хуыцау!
– Уацилла, дай нам такую благодать, чтоб были хлебом сыты!
– Оммен, Хуыцау!
– Хыцауы дзуар, твое место перед Господом Богом, так выпроси у Него милостей для нас.
– Оммен, Хуыцау!
– Дзуар села Цамад, возьми наше село под свое покровительство и огради его от несчастий.
– Оммен, Хуыцау!
– Аларды, пусть и тебе будет угодно!
Не оборачивайся к нам лицом – будем молиться тебе в спину.
А если обернешься, оставь нас в радости и счастии.
– Оммен, Хуыцау!
– Рыныбардуаг, огради наш народ и нашу живность от болезней и мора.
– Оммен, Хуыцау!
– Мады Майрам! Наши предки тебе поклонялись,
Не обдели нас их счастьем.
Дай долгой жизни тем, кого ты нам пошлешь.
– Оммен, Хуыцау!
– Мыкалгабыр, пусть наши жертвоприношения будут угодны тебе.
Отдали от нас наши несчастья и пошли счастья.
Изобилием наделяешь ты, так сделай так,
Чтобы в нашей работе всегда был баркад.
– Оммен, Хуыцау!
– Могущественный Тутыр, просим тебя – пусть серые хищники обходят стороной наши стада.
– Оммен, Хуыцау!
– Фалвара, умножь нашу живность, чтобы мы каждый год могли приносить тебе жертвы.
– Оммен, Хуыцау!
– Сауы дзуар, сохрани наши леса от засух и пожаров!
– Оммен, Хуыцау!
– Бынаты Хицау, пошли нам здоровую и счастливую жизнь в наших домах.
– Оммен, Хуыцау!
– Хурартхурон, ты вхож к Всевышнему: пусть Он не пожалеет для нас Своих благодеяний.
– Оммен, Хуыцау!
– О великий Боже, внемли нашим молитвам!
– Оммен, Хуыцау!
– Пусть нам будет милость и тех дзуаров, которых мы не упомянули.
– Оммен, Хуыцау!
|
Хуыцауæхсæвы куывд II
– Дунедарæг Иунæг Кадджын Хуыцау, табу Дæхицæн!
Ды нæ радтай зæххыл цæрынæн.
Бирæ фарн æмæ амондæй хайджын чи у, уый æмбал нæ фæкæн!
– Оммен, Хуыцау!
– Hæ фыдæлты Зæронд Уастырджи!
Сау хохы бæрзонд – дæ бадæн, быдыры – дæ фæлгæсæн.
Хохæй, быдырæй нæ гыццыл Ирыстон – де уазæг, ды – йæ фæдзæхсæг!
– Оммен, Хуыцау!
– Реком, Мыкалгабыртæ!
Нæ кад æмæ не гъдау нæхимæ куыд уой, уыцы арфæ нын ракæнут!
– Оммен, Хуыцау!
– Аларды æмæ Рыныбардуаг!
Рын æмæ фыдбылызæй хызт куыд уа,
Цард æмæ амондæй та – æфсæст,
Уыцы арфæ ракæнут нæ гыццыл Ирыстонæн!
– Оммен, Хуыцау!
– Хъæриуы зæдтæ, табу уæхицæн!
Зæдты тæрхондоны бадут,
Амондджын тæрхон цы рахæссат,
Уымæй нæ фæхайджын кæнут!
– Оммен, Хуыцау!
– Æвзвæндаг, табу дæхицæн!
Ныры фæсивæд сты æфсæнбарджытæ,
Æмæ рухс фæндæгтыл куыд цæуой,
Уыцы арфæ сын ракæн!
– Оммен, Хуыцау!
– Хуыцауы дзуар, Хуыцаумæ цæуæг дæ æмæ
Хуыцауæй цы хорздзинæдтæ æрхæссай,
Уымæй-иу нын дæ цæст бауарзæд!
– Оммен, Хуыцау!
– Арвы Уацилла æмæ Фосы Фæлвæра,
Цы хор æмæ цы фосыл хæст стæм,
Уый нын куывдты хæринаг фæкæн.
– Оммен, Хуыцау!
– Саухъæды бæлæстæй быдыры цæхæрадон чи скодта,
Хетæджы дзуар, табу дæхицæн!
Дæуæн дæ тыхсты уысмы хъæд цы æххуыс бакодта,
Уыцы æххуысгæнæг дæ кувæг адæмæн фæу!
– Оммен, Хуыцау!
– Ныхасы Уастырджи! Табу дæхицæн!
Нæ ныхæстæ кæрæдзийæн адджын куыд уой,
Уыцы арфæ нын ракæн!
– Арыхъы Дурджын Бæрзонд Уастырджи æмæ рухс Тæтæртупп,
Æфсæнвæндаджы бардуагтæ стут æмæ,
Æфсадмæ цы фæсивæд арвыстам, уыдонæн сабыр дуг рауадзут!
– Оммен, Хуыцау!
– Мæздæджы Мады Майрæм, табу дæхицæн!
Уыцы фæсивæд паддзахы быдырты æнæ мад, æнæ фыд сты,
Æмæ сын ды мад, фыды рæвдауæг фæу!
– Оммен, Хуыцау!
– Цыргъобауы зæдтæ æмæ дауджытæ! Табу уæхицæн!
Нæ быдыртæй нæм цы хор æрбахауа,
Уый нын куывдты æмæ чындзæхсæвты хæринаг фæкæнут!
– Оммен, Хуыцау!
– Горæты Ногдзуар æмæ Хуыцауы дзуар!
Нæ гыццыл Ирыстон цы сахарты цæрынц,
Уым æнæмаст, æнæфыдбылызæй куыд цæрой, уыцы арфæ сын ракæнут!
– Оммен, Хуыцау!
– Тхосты дзуар, табу дæхицæн!
Исчи нын тыхгæнынвæнд куы скæна,
Уæд нæхи амонд тыхджындæр куыд уа,
Уыцы арфæ нын ракæн!
– Оммен, Хуыцау!
– Ирыстоны зæдтæ!
Нæ гыццыл Ирыстон уæ кувæг адæм сты
Æмæ æнæфыдбылыз, цард æмæ амондæй æфсæст куыд уой,
Уыцы арфæ сын ракæнут!
– Оммен, Хуыцау!
Нæ рæзгæтæй æмæ нæ бæлццæттæй зæрдæрухс куыд уæм,
Уыцы арфæ нæ уæд.
– Оммен, Хуыцау!
– Аходæггаг – кæстæрмæ, уый фæстæдæр райгуырди,
Æнæтæригъæддæр у æмæ хуымилийагæй уый хъуамæ сахода.
| |
Молитва в Хуыцауахсав II
– О Единый Облеченный славою Хуыцау, табу Тебе!
Ты создал нас для жизни на земле,
Так уподобь тем, кого наделил счастьем и фарном!
– Оммен, Хуыцау!
– О древний Уастырджи наших предков!
Восседая на вершине Черной горы, ты обозреваешь равнины.
Маленькая Осетия в твоей власти,
Будь ее защитником и покровителем!
– Оммен, Хуыцау!
– Аларды и Рыныбардуаг, явите нам свою благодать,
Отведите от Осетии болезни и напасти и наделите ее счастьем!
– Оммен, Хуыцау!
– Дзуары Кариу, табу вам! Вы вершите суд вместе с богами,
Так не лишайте нас своего праведного суда.
– Оммен, Хуыцау!
– Авзвандаг, табу тебе! Нынешняя молодежь ездит на железных «конях»,
Да обретут они милостью твоей счастливую дорогу!
– Оммен, Хуыцау!
– Хуыцауы дзуар, вхожий к Всевышнему,
Да не пожалеет для нас око твое дарованных Им благ!
– Оммен, Хуыцау!
– Арвы Уацилла, Фосы Фалвара, явите нам такую милость,
Чтобы хлеба наши и стада, которыми мы владеем,
Были использованы на кувдах!
– Оммен, Хуыцау!
– О дзуар Хетага, превративший непроходимую рощу в райский сад, табу тебе!
Окажи поклоняющимся тебе людям такую же помощь,
Какую тебе в трудную минуту оказал лес!
– Оммен, Хуыцау!
– Уастырджи Ныхаса, табу тебе!
Яви нам такую благодать, чтобы слово наше было сладостным друг для друга.
– О Высокий Каменистый Уастырджи Арыка и светлый Татартупп – покровители железных дорог,
Ниспошлите благоговением своим мирные времена для молодежи,
Которую мы проводили в армию!
– Оммен, Хуыцау!
– Мады Майрам Моздока, табу тебе!
Эти ребята находятся вдали от дома и не видят материнской ласки,
Прояви о них материнскую заботу!
– Дзуары и дуаги Цыргобауа, табу вам!
Да пойдет урожай, собранный с полей наших, на кувды и свадьбы!
– Оммен, Хуыцау!
– Ногдзуар города и Хуыцауы дзуар, ниспошлите мир и благодать на города,
В которых проживает народ Осетии!
– Оммен, Хуыцау!
– Дзуар Тхоста, табу тебе!
Яви нам свою милость, чтобы мы всегда одерживали победу над противником ,
Да будет наше счастье таким сильным!
– Оммен, Хуыцау!
– Дзуары Осетии! Осетия поклоняется вам,
Благословите ее, чтобы она не ведала несчастий и пребывала в счастии и мире.
Да преисполнятся сердца наши радостью за детей наших и путников,
Явите нам такую милость!
– Оммен, Хуыцау!
– Аходаггаг – младшему, как самому безгрешному.
|
Хуыцауæхсæвы куывд III
– О Дунерафæлдисæг Цытджын Хуыцау,
Нæ кувинæгтæ Дын барст уæнт æмæ нæ Де уазæг бакæн.
– Оммен, Хуыцау!
– Де сконд зæдтæ ‘мæ Дауджыты хорзæхæй Дæ кувæг адæм хайджын уæнт!
– Оммен, Хуыцау!
– О рухс Мады Майрæм, нæ куывд нын адджынæн айс!
– Оммен, Хуыцау!
– О бæрзондыл бадæг цæхæрцæст Уастырджи,
Hæ кувинæгтæ дын барст уæнт!
Æргом зæд дæ, æмæ нæ омменгæнджытæ нæ уæлхъус куыд уой,
Нæ бæлццæттæ фæндараст куыд кæной,
Ахæм арфæ нын ракæ!
– Оммен, Хуыцау!
– О Хуыцауы дзуар, табу дæхицæн!
– Оммен, Хуыцау!
– Уæлæрвты минæвар вæййыс æмæ, цы хорздзинæдтæ æрхæссыс,
Уыдонæй нын хай бакæ!
– Оммен, Хуыцау!
– Реком, нæ кувинæгтæ дын барст уæнт!
Нæ дзуæртты хистæр дæ æмæ нæ адæмы дæ хорзæх уæд.
– Оммен, Хуыцау!
– Гал-нывæндтæ дын куыд кæнæм, ахæм арфæ нын ракæн!
– Оммен, Хуыцау!
– Зджыды рухс Аларды, нæ кувинæгтæ нын адджынæн айс!
– Оммен, Хуыцау!
– Дардмæ дæм кувдзыстæм, хæстæгмæ нæм ма ‘рцу.
Нæ чысыл сабитæ – де уазæг!
– Оммен, Хуыцау!
– Тутыр, нæ кувинæгтæ нын адджынæн айс!
– Оммен, Хуыцау!
– Нæ бирæгъы хай дæр сæфт куыд нæ уа, ахæм арфæ нын ракæн!
– Оммен, Хуыцау!
– Нæ алыварс цы адæмтæ цæры, уыдоны хорзæх дæр нæ уæд.
– Оммен, Хуыцау!
– Æрвиагъд, нæ кувинæгтæ дын барст уæнт!
– Оммен, Хуыцау!
– Мигъты бардуаг дæ æмæ нæ хус рæстæгæй бахиз!
– Оммен, Хуыцау!
– Хоры Уацилла, нæ кувинæгтæ нын адджынæн айс!
– Оммен, Хуыцау!
– Дæ тыллæгæй хорæфсис куыд уæм, ахæм арфæ нын ракæ!
– Оммен, Хуыцау!
– Фосы Фæлвæра, нæ кувинæгтæ дын барст уæнт!
– Оммен, Хуыцау!
– Дæ рард фосæй куывдтæ куыд кæнæм, ахæм арфæ нын ракæ!
– Оммен, Хуыцау!
– Уæ Цæразонты Сидæны. Мыкалгабырты кувæндон, уæ хорзæх нæ уæд!
– Оммен, Хуыцау!
– Бæркаддæттæг дæ æмæ, нæ уæлвæзтæ фосджын куыд уой,
Нæ дæлвæзтæ – хорджын, ахæм арфæ нын ракæ!
– Оммен, Хуыцау!
– Фыдбылыз сафæг дæ æмæ, нæ фыдбылызтæ сæфт куыд уой,
Амæндтæй та хайджын куыд уæм,
Ахæм арфа нын ракæ!
– Оммен, Хуыцау!
– Кувджыты кувæг Хъæрæмыс, гъæйтт, кæстæрты сæрæндæр,
Мæнæй чи ферох, уыдон та ды ‘рымыс!
– Оммен, Хуыцау! …
| |
Молитва в Хуыцауахсав III
– О Дунесканаг Хуыцау, возьми нас под Свое покровительство и прими наши подношения.
– Оммен, Хуыцау!
– Пусть верующий в Тебя народ будет наделен милостью Твоих дзуаров и дуагов!
– Оммен, Хуыцау!
– О пресветлая Мады Майрам, прими наши молитвы как сладостные.
– Оммен, Хуыцау!
– О в вышине восседающий искроглазый Уастырджи,
Да будут тебе угодны наши жертвоприношения.
Ты открыто являешься людям!
Пошли нам такую милость,
Чтобы говорящие тебе «оммен»
Всегда были рядом с нами, а наши путники обрели счастливую дорогу.
– Оммен, Хуыцау!
– О Хуыцауы дзуар, табу тебе!
– Оммен, Хуьщау!
– Ты являешься небесным посланником и раздаешь блага – надели ими и нас.
– Оммен, Хуыцау!
– Реком, пусть будут угодны тебе наши жертвоприношения!
Ты старший из наших божеств,
И пусть народ удостоится твоей милости.
– Оммен, Хуыцау!
– Пошли нам такую благодать, чтобы мы каждый год жертвовали тебе бычков!
– Оммен, Хуыцау!
– Светлый Аларды Згида, да будут сладки тебе наши жертвоприношения.
– Оммен, Хуыцау!
– Не приближайся к нам, издали будем тебе молиться.
Возьми наших детей под свое покровительство.
– Оммен, Хуыцау!
– Тутыр, прими наши подношения как сладостные.
– Оммен, Хуыцау!
– Пусть серый хищник стороной обходит наши стада.
– Оммен, Хуыцау!
– Да будет нам благосклонность живущих вокруг нас народов.
– Оммен, Хуыцау!
– Арвиагд, пусть тебе будут угодны наши жертвоприношения.
– Оммен, Хуыцау!
– Ты являешься покровителем туч: избавь нас от засух.
– Оммен, Хуыцау!
– Хоры Уацилла, пусть тебе будут сладки наши подношения.
– Оммен, Хуыцау!
– Пожелай нам богатого урожая.
– Оммен, Хуыцау!
– Фосы Фалвара, пусть тебе будут сладки наши подношения.
– Оммен, Хуыцау!
– Пошли нам такую милость, чтобы мы каждый год приносили тебе жертвы.
– Оммен, Хуыцау!
– О Мыкалгабыр Сидана Царазонты, да будет нам твоя милость.
– Оммен, Хуыцау!
– Пожелай нам, чтобы на наших возвышенностях паслись стада,
А на низменностях колосилась пшеница.
– Оммен, Хуыцау!
– Ты избавляешь людей от несчастий и бед;
Так надели нас счастием и избавь от несчастий.
– Оммен, Хуыцау!
– О лучший из молящихся Карамыс, кого я не упомянул (из божеств, дзуаров),
Того ты назови!
– Оммен, Хуыцау!
|
|