Зары, 

Раст цыма Нары 

Зæххæй сыстади дурцырт, 

Хохаг саггуырдты ‘хсарыл 

Уый æнус-æнус дзурдзæн. 

Хæст куы сыгъдис æвирхъау, 

Зæхх куы нынкъуыст йæ нæрдæй, 

Уæд ирон лæджы цирхъ дæр, 

Хурмæ скалдта цæхæртæ, 

Рацыд туджы тæрккъæвда. 

Дардыл сызмæлыд бæстæ. 

Цал цæрæццаджы скъæфта 

Уæд йæ саулохаг хæстмæ! 

Сау сынтытау фæстæмæ 

Сау гæххæттытæ тахти; 

Уыд зындойнаг хæсттæмæн, 

Цæссыг тугхæццæ тагъди. 

Уæд ирон лæджы рондзæй 

Мæры ‘нæвгъау цы хъардта, 

Уæд уæлахизы монцæй 

Судзгæ цал уды ‘рхаудта. 

Уарзон буц чызджы риуы 

Уæд цы уарзтдидин бахус. 

Мады судзаггаг ниуын, 

Сидзæр сабиты сагъæс 

Ацы дурæн йæ хуылфы 

Ныр æнусмæ цæрдзысты. 

Ома уыцы хæсттыфыл 

Мауал бауадзæм сыстын, 

Зары, 

Раст цыма Нары 

Сыстад кадгæнæг дурдзырт, 

Уый ирон лæджы ‘хсарыл 

Ныр æнусбонмæ дзурдзæн.