www.rirston.com
www.iriston.com
 
  <   Сæйраг – Заглавная Сæргонд – Оглавление Къостайы тыххæй – О Коста   ?     @     >  

ХЪУЫБАДЫ

Сæрдæй, зымæгæй,
Гуыбыр, тызмæгæй,
Йæ кæрцы мидæг,
Ныхасы бады
Зæронд Хъуыбады,
Нæ фæндырдзæгъдæг...

Кæйдæр дзæгъæлзад,
Лæппуйæ баззад
Йæ сау бындурыл...
Кæдæм–иу бафтыд,
Уым–иу фæкафыд
Кæрдзыны мурыл...

Бæгънæг, бæгъæввад,
Ыстонг, уысмæн над
Хуыцауы рæстæй!
Цъыфæй ныррæсыд, –
Хæфсытæ уасыд
Йæ къахы скъуыдтæй...

Бын бауай, иунæг,
Дзыллæтæй иу лæг
Кæй нæ рæвдыдта!
Фæсмон фæкæна,
Мæрдты дзыназа,
Дæу чи ныййардта!..

Дæу урс æхсырæй,
Дæу худгæ–хурæй
Чи нæ бафсæста!
Дæу цардуалдзæджы
Йæ хъарм хъæбысы
Чинæ ауызта!

Фыййау куы уыди,
Уæд–иу хуыссыди
Тæдзгæ–ыскъæты;
Мит–иу куы уарыд,
Уæд–иу ныззарыд
Къæдзæхлæгæты...

Уæд фос куыд уарзта? –
Фæсал цын ласта
Иæ салд æрчъийæ!..
Йæ зард нæ уагъта, –
Фæндыр ыскъахта
Бæрзбызычъийæ...

Бæрзонд урс хæхтæ,
Æнкъард къæдзæхтæ,
Æгомыг бæлас
Фыййауы уарзынц
Æмæ йын зарынц
Сæ сусæг ныхас.

Цæргæсы бæллын,
Уæларвы нæрын,
Дымгæйы хъарæг,
Цæф сæгуыты маст,
Æхсæрдзæны хъазт –
Фыййауы зарæг...

Фæскъæвда хур бон
Уымæл ривæддон,
Рæсугъд хизæнтæ,
Æфсæст фосы дзуг,
Сæрибары дуг –
Фыййауы сæнттæ.

Фæлæ нæ амонд
Æнæ сæрнывонд
Нæ хæссы бирæ! –
Æнæ аххосæй
Фыййауы фосæй
Нæ хæссы бирæгъ!

Æмбаргæ фыййау
Иæ фосы рæгъау
Нымадæй дары,
Фæлæ Хъуыбады
Йæ фоснымады
Фынддæс нæ ары...

Кæм цæ агура?
Кæмæй цæ кура? –
Хъæр цæ кæм уæнды!
Лæгдзарм тæнæг у,
Æлдар фыдлæг у,
Мæлын кæй фæнды?..

Фæлидзон, загъта...
Йæ фос фæуагъта
Хъæу–сæр уæзæгыл,
Йæхæдæг алыгъд,
Дыгурмæ ахызт
Адай–æфцæгыл...

Ирæй, Кæсæгæй,
Фæндырдзæгъдæгæй
Кæм нæ фæхатти?
Цытджын Калачы
Иæ зарды руаджы
Сæндæтты бадти.

Иæ хорз зарджытæн,
Иæ хорз кадджытæн
Кæрон кæм уыди?
Æнæ фæхудгæ,
Æнæ фæкæугæ
Цæм чи лæууыди?!.

Йæ къах нæ фæллад,
Йæ зард нæ фенад
Иæ цæугæ–царды...
Æрмæст нæ хъæумæ
Куырмæй фæстæмæ
Æрцыд Хъуыбады...

Сæрдæй, зымæгæй,
Гуыбыр–тызмæгæй,
Йæ къæрит кæрцы
Ныхасы бады
Зæронд Хъуыбады, –
Нæ йæ зоныс, цы?..

 

 КУБАДЫ

Жара ль, бураны —
В шубенке рваной
Он ходит, сирый.
Среди нихаса
Кубады часто
Сидит с фандыром.

Чья доля жальче?
Остался мальчик
Один под небом.
Не раз безродный
Плясал голодный
За корку хлеба.

Босой, избитый,
В душе — обиды.
И грязь на теле.
Жилось не сладко,
Из трещин в пятках
Лягушки пели.

Нет, сгинуть лучше,
Чем биться, мучась,
Добра не зная!
В могиле тлея,
Пусть пожалеет
Тебя родная,

Что не вскормила
Ни солнца силой,
Ни грудью белой,
Что в детстве раннем
Своим дыханьем
Тебя не грела!

Пастух, бывало,
Дожди встречал он
В хлеву дырявом,
А снег нагрянет —
В пещере станет
Он петь на славу.

Овца без пищи!
Он сена сыщет
В арчита прелом!
Фандыр свой просто
Он из нароста
Березы сделал.

Кусты с обрыва,
Немая ива,
Утес угрюмый
К нему клонились
И с ним делились
Заветной думой.

Орла порывы,
Вой вьюг тоскливый,
Гром в поднебесье,
Слеза оленя,
Ручья кипенье —
Пастушьи песни.

Свет после бури,
Краса лазури,
Привал для стада,
Луга и воды,
Пора свободы —
Мечты Кубады.

Но счастье кратко:
Беда украдкой
Придет, не спросит.
И волк овечку
К себе за речку
Тайком уносит.

Пастух отличный
Учет обычно
Заводит строгий.
Но вот Кубады,
Считая стадо,
Не видит многих!

Ушли? Куда же?
Кому расскажешь
Об этом горе?
Ох, треснуть может
Пастушья кожа.
Алдар — запорет!

Как быть Кубады?
— Покину стадо! —
Себе сказал он.
И убегает
За склон Адая!—
К дигорским скалам.

Страной родною
И Кабардою
С фандыром шел он.
В Калаке с пылом
И пел, и пил он
В кругу веселом.

Конца чудесным
Сказаньям, песням
Не знал Кубады.
Ему внимая,
Смеясь, рыдая,
Все были рады.

В пути-дороге
Не слабнут ноги,
А песни — краше.
Вот видим снова
Певца — слепого! —
В ауле нашем.

Жара ль, бураны —
В шубенке рваной
Он путь свершает.
Фандыр — отрада...
Но кто Кубады
У нас не знает?

 
  <   Сæйраг – Заглавная Сæргонд – Оглавление Къостайы тыххæй – О Коста   ?     @     >  

© Tabol 2004